BMT: Sudanın qərbində toqquşmalar nəticəsində 85 nəfər ölüb
Bakı, 25 may, AZƏRTAC
Sudan ordusu ilə çevik dəstək qüvvələri arasında son iki həftə ərzində El Faşerdə davam edən qarşıdurmalar zamanı 85 nəfər həlak olub.
AZƏRTAC xəbər verir ki, bu barədə BMT-nin humanitar məsələlərin əlaqələndirilməsi ofisinin son hesabatında deyilir. Qeyd edilib ki, mayın 10-dan bəri silahlı toqquşmalar nəticəsində, həmçinin azı 700 mülki şəxs yaralanıb.
Beynəlxalq Miqrasiya Təşkilatının hesabatına görə, 1250 nəfər evlərini tərk edib.
Qeyd edək ki, Sudanda 2023-cü il aprelin 15-də başlayan silahlı münaqişənin gedişində ümumilikdə 15 min 550 nəfər həlak olub, məcburi köçkünlərin sayı isə 8,7 milyon nəfərə çatıb.
Bölmənin digər xəbərləri
