BOKSÇULARIMIZ İKİ OLİMPİYA LİSENZİYASI QAZANMIŞLAR
Bu il qitə çempionatında 42 ölkədən 322 boksçu iştirak etmişdir. Yarışlarda Azərbaycanı on idmançı təmsil etmiş, dörddə bir finala isə 6 boksçumuz – Fuad Aslanov (51 kq), 2003-cü ilin dünya çempionu Ağası Məmmədov (54 kq), Rövşən Hüseynov (60 kq), Ruslan Xairov (69 kq), Cavid Tağıyev (75 kq) və Sidney Olimpiadasının bürünc medalçısı Vüqar Ələkbərov çıxmışlar. Təəssüf ki, dörd idmançımız rəqiblərinə məğlub olmuşdur.
Beləliklə, Azərbaycan yığma komandasının 2004-cü ilin Afina Olimpiadasına cəmi 20 lisenziyası vardır. Onlardan 7-ni sərbəst güləşçilər və yunan-Roma güləşçiləri, 5-ni ağır atletlər, 2-ni taekvondoçular, 2-ni isə boksçular qazanmışlar. Zemfira Meftahəddinova (stend atıcılığı), İradə Haşımova (güllə atıcılığı), Dinara Gimatova (bədii gimnastika) və Sergey Boçkov (yüngül atletika) isə Olimpiya daxılımıza hərəyə bir lisenziya əlavə etmişlər.
Bölmənin digər xəbərləri
