Braziliyada təlim zamanı doqquz yanğınsöndürən həlak olub
Bakı, 1 noyabr, AZƏRTAC
Braziliyanın şərqində mağaranın uçması nəticəsində doqquz nəfər həlak olub, bir nəfər isə xilas edilib.
AZƏRTAC Sinxua agentliyinə istinadla xəbər verir ki, faciə ilə nəticələnən hadisə San-Paulu ştatında qeydə alınıb.
“12 saat davam edən xilasetmə əməliyyatı nəticəsində doqquz cəsəd aşkarlanıb, bir nəfər isə hipotermiya və tənəffüs problemləri ilə xəstəxanaya çatdırılıb”, - deyə məlumatda bildirilir.
Həlak olanların hamısı yanğınsöndürənlərdir. Onların arasında iki qadın da var. Hadisə baş verən zaman 26 yanğınsöndürən mağarada təlim keçirmiş.
Bölmənin digər xəbərləri
