“British Airways” aviaşirkəti Qahirəyə uçuşları iyulun 26-da bərpa edəcək
Qahirə, 25 iyul, AZƏRTAC
Böyük Britaniyanın “British Airways” aviaşirkəti Qahirəyə təhlükəsizlik məqsədilə dayandırdığı uçuşları iyulun 26-da bərpa etmək qərarına gəlib.
AZƏRTAC yerli KİV-lərə istinadla xəbər verir ki, bu barədə “British Airways” aviaşirkətinin məsul şəxsləri Misirin Böyük Britaniyadakı səfiri Tarik Adilə məlumat verib.
Xatırladaq ki, iyulun 20-də “British Airways” aviaşirkəti təhlükəsizlik məqsədilə Qahirəyə uçuşları bir həftə müddətinə təxirə salmışdı.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
