Bu gün kişi voleybolçuların Yüksək Liqasında çempion bəlli olacaq
Bakı, 22 aprel, AZƏRTAC
Bu gün kişi voleybolçuların Yüksək Liqasında mövsümün son oyunu keçiriləcək.
AZƏRTAC xəbər verir ki, final qarşılaşmasında “Azərreyl” və “Murov Az Terminal” komandaları üz-üzə gələcəklər. Bakı İdman Sarayında baş tutacaq qarşılaşma saat 16:00-da start götürəcək.
“Azərreyl” yarımfinalda MOİK-i, “Murov Az Terminal” isə “Neftçi”ni məğlub edərək finalda oynamaq hüququ qazanıb.
Qeyd edək ki, Yüksək Liqada bürünc medalları MOİK-ə 3:0 hesabı ilə qalib gələn “Neftçi” əldə edib.
Bölmənin digər xəbərləri
