Bu gün maqnit qasırğası gözlənilir
Bakı, 25 avqust, AZƏRTAC
Mütəxəssislər xəbərdarlıq edirlər ki, avqustun 25-də Yer kürəsində maqnit qasırğası baş verəcək. Ötən həftənin sonunda Günəşdə bir neçə ciddi alışma qeydə alınıb. Bu isə o deməkdir ki, Yer kürəsində insanların sağlamlığına təsir göstərən maqnit qasırğaları başlayacaq. Bildirilir ki, Yer kürəsində birinci maqnit qasırğası avqustun 23-də başlayıb, növbəti qasırğa isə bu gün gözlənilir.
Avqustun 21-dən 23-dək Günəşdə “M” sinfindən 5 alışma, “C” sinfindən 20 alışma, optikada 1 ballıq 7 alışma, 2 ballıq 1 alışma və 37 subalışma qeydə alınıb. Hazırda Günəşin fəallığı azalıb və bu gün mülayim alışma fəallığı gözlənilir, amma ən yüksək X sinfindən alışmalar, o cümlədən proton alışmalar ehtimalı hələ də istisna deyil.
Qeyd edək ki, maqnit qasırğalarının insanın sağlamlığına təsiri artıq alimlər tərəfindən isbat edilib. Mütəxəssislərin məlumatlarına görə, maqnit qasırğaları zamanı insanı baş, bel və oynaq ağrıları incidir. Günəşin fəallığı ən çox yaşlı insanlara təsir edir.
Bölmənin digər xəbərləri
