Bu ilin birinci yarısında Qəbələdə 50,2 milyon manatlıq kənd təsərrüfatı məhsulları istehsal edilib
Qəbələ, 19 avqust, Mustafa Dadaşov, AZƏRTAC
Cari ilin birinci yarısında Qəbələ rayonunda iqtisadiyyatın əsas sahələri üzrə məhsul buraxılışının ümumi həcmi 154 milyon 219,2 min manat olub. Məhsul və xidmətlərin 73,7 faizi istehsal, 26,3 faizi isə xidmət sahələrinin payına düşüb. Adambaşına düşən məhsul buraxılışı 1414,5 manat təşkil edib.
Bu barədə AZƏRTAC-ın bölgə müxbirinə Qəbələ Rayon Statistika İdarəsindən məlumat verilib.
Bildirilib ki, 6 ayda rayonda 45,4 milyon manatlıq sənaye, 50,2 milyon manat dəyərində kənd təsərrüfatı məhsulları istehsal edilib, 18 milyon manatlıq tikinti işləri görülüb. Ticarət sahəsində xidmətlərin həcmi 37 milyon manat, nəqliyyat və anbar təsərrüfatı xidmətlərinin həcmi isə 2,8 milyon manat təşkil edib. Aqrar sahədə məhsul istehsalı ötən ilin eyni dövrü ilə müqayisədə 1,2 faiz, ticarət xidmətlərinin həcmi 10,9 faiz, nəqliyyat və anbar təsərrüfatı xidmətlərinin həcmi 59,4 faiz, informasiya və rabitə xidmətlərinin həcmi isə 9,1 faiz artıb.
Bölmənin digər xəbərləri
