Cəbhəyanı kəndlərdə yaşayan əhalinin tibbi müayinəsi həyata keçirilmişdir
Ağcabədi, 30 iyul (AZƏRTAC). Ağcabədi mərkəzi rayon xəstəxanasının təşkilatçılığı ilə cəbhə bölgəsində yerləşən Yuxarı Qiyamadınlı, Arasbar və Kürdlər kəndlərinin əhalisi tibbi müayinədən keçirilmişdir.
AZƏRTAC xəbər verir ki, terapevt, cərrah, nervpotoloq, oftalmoloq, uroloq, kardioloq, pediatr və digər ixtisaslardan ibarət həkim briqadası tərəfindən 100-dən çox kənd sakini müayinə olunmuşdur. Bəzi xəstələrə evlərdə xidmət göstərilmişdir. Müayinələr zamanı xəstəlik aşkar olunmuş vətəndaşlar stasionar və ambulator müalicəyə cəlb olunmuşlar.
Humanitar tədbir sakinlər tərəfindən rəğbətlə və minnətdarlıqla qarşılanmışdır. Aksiya növbəti aylarda rayonun digər kəndlərində davam edəcəkdir.
Bölmənin digər xəbərləri
