Cəlilabadda kartof yığımı başa çatıb
Cəlilabad, 15 iyul, Bağır Əliyev, AZƏRTAC
Cəlilabad rayonunun kartof sahələrində məhsul yığımı kampaniyası başa çatıb. 5320 hektar əkin sahəsindən 135 min 660 ton kartof yığılıb. Hər hektardan götürülən məhsuldarlıq 25-30 sentner təşkil edib.
Bu barədə Cəlilabad Dövlət Aqrar İnkişaf Mərkəzinin direktoru Rahib Kərimov AZƏRTAC-ın bölgə müxbirinə məlumat verib.
Bildirilib ki, rayonun kartof sahələrindən yığılan məhsulun 64 min 860 tonu Rusiyaya ixrac edilib.
Qeyd edək ki, ötən il Cəlilabad rayonunda 5 min hektar əkin sahəsindən 125 min ton kartof yığılıb. Rayonda kartof sahələrinin hər hektarından götürülən məhsuldarlıq 30-35 sentner olub.
Bölmənin digər xəbərləri
