Cəlilabadın çiyələk sahələrindən indiyədək 9321 ton məhsul yığılıb
Cəlilabad, 16 iyul, Bağır Əliyev, AZƏRTAC
Bu il Cəlilabad rayonunda açıq sahələrdə 432 hektarda çiyələk əkilib. İndiyədək sahələrdən 9321 ton məhsul yığılıb.
Bu barədə Cəlilabad Dövlət Aqrar İnkişaf Mərkəzindən AZƏRTAC-ın bölgə müxbirinə məlumat verilib. Bildirilib ki, rayonda istehsal olunan çiyələyin 1019 tonu Rusiya bazarlarına ixrac olunub. Bu il rayonun çiyələk sahələrindən 12 min tondan çox məhsulun yığılması proqnozlaşdırılıb. Cəlilabadda çiyələk yığımı kampaniyası sentyabradək davam edəcək.
Qeyd edək ki, ötən il rayonda 427 hektar çiyələk sahəsindən 9300 ton məhsul yığılıb.
Bölmənin digər xəbərləri
