Cənubi Afrikada silahlı şəxslər bir ailənin 10 üzvünü öldürüblər
Bakı, 22 aprel, AZƏRTAC
Silahlı şəxslər Cənubi Afrikanın Pietermaritzburq şəhəri yaxınlığındakı qəsəbədə evə basqın edərək, bir ailənin 10 üzvünü öldürüblər.
AZƏRTAC Reuters-ə istinadla xəbər verir ki, bu barədə yerli polis məlumat yayıb.
Polis atışmanın motivini açıqlamasa da, yeddi qadın və üç kişinin öldüyünü, hadisədə iştirak etdiyi güman olunan iki şübhəlinin həbs edildiyini bildirib. Silahlı şəxslərdən biri öldürülüb, biri isə qaçıb.
Cənubi Afrikada hər il 20 minə yaxın qətl hadisəsi qeydə alınır və bu göstərici ilə dünyada ən yüksək cinayət hadisələrinin baş verdiyi ölkə ünvanına sahibdir.
Bölmənin digər xəbərləri
