Cənubi Koreya ilə BƏƏ arasında iqtisadi tərəfdaşlıq sazişi imzalanıb
Bakı, 29 may, AZƏRTAC
Cənubi Koreya və Birləşmiş Ərəb Əmirlikləri (BƏƏ) arasında hərtərəfli iqtisadi tərəfdaşlıq sazişi imzalanılıb.
AZƏRTAC xəbər verir ki, bu barədə Cənubi Koreya prezidentinin ofisi məlumat yayıb.
Cənubi Koreya Prezidenti Yun Sok Yol və BƏƏ Prezidenti Şeyx Məhəmməd bin Zayed Əl Nəhyan Seulda görüşüblər. Onlar görüş zamanı ticarətin liberallaşdırılması və investisiyaların genişləndirilməsi kimi sahələrdə ikitərəfli iqtisadi tərəfdaşlığı möhkəmləndirməklə bağlı saziş imzalayıblar.
BƏƏ-nin suveren mülkiyyət fondu da Cənubi Koreyaya 30 milyard dollar sərmayə yatırmaq üzrə əvvəlki öhdəliyini bir daha təsdiqləyib. Hər iki tərəf iqlim dəyişikliyi, enerji, infrastruktur, nüvə enerjisi, əqli mülkiyyət, müdafiə və texnologiya sahələrində saziş və Anlaşma Memorandumu imzalayıb.
Şeyx Məhəmməd bin Zayed Əl Nəhyan Cənubi Koreyaya iki günlük gəlib və buraya dövlət səfəri edən ilk BƏƏ prezidenti olub.
Qeyd edək ki, BƏƏ Koreya Respublikası ilə azad ticarət razılaşması imzalayan ilk ərəb ölkəsidir.
Bölmənin digər xəbərləri
