ÇEMPİONATIN İKİNCİ GÜNÜ AZƏRBAYCAN KOMANDASI ÜÇÜN UĞURSUZ OLMUŞDUR
Paris, 23 oktyabr (AZƏRTAC). Oktyabrın 23-də Parisin Pyer de Kubertən stadionunda keçirilən gənclər arasında cüdo üzrə Dünya çempionatının ikinci günü Azərbaycan komandası üçün uğursuz olmuşdur. İdmançılarımızdan Kəmalə Hüseynzadə (57 kq), Fəqan Eminoğlu (66 kq) və Orxan Dünyamalıyev (73 kq) elə ilk görüşdə rəqiblərinə məğlub olaraq meydanı tərk etmişlər. 52 kiloqram çəki dərəcəsində çıxış etmiş Turanə Seyidi Monqolustandan olan rəqibinə qalib gələrək növbəti mərhələyə vəsiqə qazanmışdır. O, ikinci görüşündə braziliyalı E.Valemtamla qarşılaşmışdır. Məşqçilərinin böyük ümid bəslədikləri Turanə rəqibinə lazımi səviyyədə müqavimət göstərə bilməyərək məğlub olmuşdur.
Oktyabrın 24-də çempionatın üçüncü günündə ölkəmizin idman şərəfini iki cüdoçu qoruyacaqdır.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
