Çempionlar Liqasının final oyunu üçün 40 min 700 bilet satışa çıxarılacaq
Bakı, 3 may, AZƏRTAC
Futbol üzrə Çempionlar Liqasının finalında çıxış edəcək klubların hər birinə UEFA 17 min bilet verəcək.
AZƏRTAC xəbər verir ki, Kiyevdəki 63 min tamaşaçı tutumuna malik Olimpiya stadionunda keçiriləcək həlledici qarşılaşmaya 40 min 700 biletin satışa çıxarılacağı planlaşdırılır. Digər yerlər isə KİV-ə, sponsorlara və UEFA-ya üzv olan milli assosiasiyalara ayrılacaq.
Qeyd edək ki, mayın 26-da keçiriləcək final oyununda “Real Madird” və “Liverpul” komandaları üz-üzə gələcəklər.
Bölmənin digər xəbərləri
