ÇİMƏRLİK VOLEYBOLU ÜZRƏ AZƏRBAYCAN ÇEMPİONATININ QALİBLƏRİ MƏLUM OLMUŞDUR
AZƏRTAC xəbər verir ki, iyulun 28-də çimərlik voleybolu üzrə Azərbaycan çempionatına yekun vurulmuşdur. Şıx çimərliyində təşkil olunmuş yarışda 14 kişi və 11 qadın komandası mübarizə aparmışdır.
Kişilər arasında keçirilən yarışın nəticələrinə əsasən, Fövqəladə Hallar Nazirliyini təmsil edən Andrey Sarıyev və Eldar Yusupovdan ibarət komanda ölkə çempionu olmuşdur. “Azərneft-2” və “Azərneft-5” komandaları isə müvafiq olaraq ikinci - üçüncü yerləri tutmuşlar.
Qadınların mübarizəsində Kəmalə Əsgərova və Angelina Şerbakova dueti fəxri kürsünün ən yüksək pilləsinə qalxmışdır. “Rabitə-5” komandasının üzvləri Fəridə Rəsulova - Lalə Bagiyeva gümüş, Gəncənin “Transpor” klubunun yetirmələri Ülviyyə Hacıyeva - Rəna Əliyeva cütlüyü isə bürünc medallara layiq görülmüşlər.
Yarışda Qazaxıstanın bir komandası müsabiqədənkənar iştirak etmişdir.
Bölmənin digər xəbərləri
