Çin öz vətəndaşlarını Suriyanı tərk etməyə çağırıb
Pekin, 6 dekabr, AZƏRTAC
Çin silahlı münaqişənin genişlənməsi fonunda vətəndaşlarını Suriyanı tərk etməyə çağırıb.
AZƏRTAC xəbər verir ki, Çinin Suriyadakı səfirliyi məsələ ilə əlaqədar xəbərdarlıq yayıb. Səfirlik Suriyadakı təhlükəsizlik vəziyyəti ilə əlaqədar vətəndaşlarına ən qısa zamanda ya Çinə qayıtmağı, ya da 3-cü ölkəyə keçməyi tövsiyə edib. Suriyanı tərk etmək istəməyənlərin yüksək təhlükə riski ilə üz-üzə qalacaqları diqqətə çatdırılıb.
Qeyd edək ki, son günlər Suriyanın şimal hissəsində üsyançı qüvvələr xeyli irəliləyərək, Hələb və Həma şəhəri daxil olmaqla, bir neçə yaşayış məntəqəsini ələ keçirib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
