ÇİN XALQ RESPUBLİKASININ SƏDRİ ÖZBƏKİSTANDA SƏFƏRDƏDİR
AZƏRTAC-ın müxbiri xəbər verir ki, ÇXR-in sədri Xu Tzintau Özbəkistanda rəsmi səfərdədir. O, Özbəkistan Prezidenti İslam Kərimov ilə görüşmüşdür. İki ölkə arasında əməkdaşlığın bütün sahələri ilə bağlı 10 saziş və müqavilə, o cümlədən dostluq və əməkdaşlıq haqqında birgə məramnamə imzalanmışdır.
ÇXR Özbəkistana 2,4 milyon dollar həcmində təmənnasız yardım göstərəcək, 10 il müddətinə 50 milyon yuan (6 milyon dollar) faizsiz, 20 il müddətinə isə 300 milyon yuan (36,5 milyon dollar) güzəştli faizlə kredit verəcəkdir.
İslam Kərimov mətbuat konfransında demişdir: “Ölkələrimiz arasında iqtisadi, siyasi, ticarət və humanitar sahələrdə əməkdaşlıq inkişaf edir. Biz neft-qaz, kimya sənayesi, elektron rabitə, nəqliyyat və digər sahələrdə birgə işləmək fikrindəyik”.
Bölmənin digər xəbərləri
