CÜZEPPE KUKKARİNİ: “KOMANDAMIZ İSTƏDİYİMİZ HEYƏTDƏ DEYİL”
Bakı, 7 yanvar (AZƏRTAC). Avropa Voleybol Konfederasiyası Kubokunun (CEV) səkkizdəbir final mərhələsi çərçivəsində Bakının qadınlardan ibarət “Azərreyl” klubu ilə qarşılaşacaq Türkiyənin “Əczaçıbaşı-Zentiva” klubu oyuna itkilərlə çıxacaqdır.
Türkiyə KİV-nin verdiyi məlumata görə, “Əczaçıbaşı-Zentiva” klubunun italiyalı baş məşqçisi Cüzeppe Kukkarini bəzi idmançıların zədəli olduqlarına görə oyunda iştirak edə bilməyəcəklərini bildirmişdir.
Baş məşqçi C.Kukkarini komandanın istədikləri heyətdə olmadığını, komandanın kapitanı Əsra və Aysunun bu oyunda meydana çıxmayacağını, ancaq yarışa psixoloji cəhətdən tam hazır olduqlarını demişdir.
Qeyd edək ki, bu gün Bakıda keçiriləcək “Azərreyl” - “Əczaçıbaşı-Zentiva” oyununu fransalı Oliver Juliet və polşalı Matçin Helbik idarə edəcəklər.
Bölmənin digər xəbərləri
