DAHA BİR OLİMPİYA LİSENZİYASI
Yığma komandamıza bu lisenziyanı üç təkanla tullanma yarışlarında çıxış edən Azərbaycanın yüngül atleti Sergey Boçkov gətirmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, bu, Beynəlxalq Atletika Federasiyaları Assosiasiyası (IAAF) Olimpiya lisenziyası almaq üçün normativləri aşağı saldıqdan sonra mümkün olmuşdur. Bundan əvvəl normativ 16,80 metr idi, indi isə 16,55 metrə bərabərdir. Sergey Boçkov üç dəfə belə nəticə göstərmişdir.
Xatırladaq ki, bu, Azərbaycan idmançılarının qazandığı on yeddinci Olimpiya lisenziyasıdır.
Bölmənin digər xəbərləri
