DAHİ BƏSTƏKARIN SAATI BƏRPA EDİLİB EV-MUZEYİNƏ VERİLMİŞDİR
Muzey dəyərlərinin və tarixi yadigarların bərpası elmi mərkəzinin əməkdaşları dahi Azərbaycan bəstəkarı Üzeyir Hacıbəyovun saatını bərpa edərək, onun ev-muzeyinə vermişlər. Ürək oxşayan musiqi səslənən bu saatı bəstəkar hələ gənclik illərində almışdı. Zaman, həqiqətən, tarixi yadigar olan bu saatın mexanizminə öz təsirini göstərmişdir. Rütubət və korroziya nəticəsində saat dayanmışdı.
Mərkəzin bərpaçılarının gərgin əməyi sayəsində saat əvvəlki görkəmini almış və sentyabrın 18-dən - klassik musiqimizin banisinin anadan olduğu gündən işləməyə başlamışdır.
Bu, bərpa mərkəzinin əməkdaşlarının ev-muzeyinə yeganə töhfəsi deyildir. Bu yaxınlarda böyük bəstəkara məxsus qədimi “Şərq bazarı” qobeleninin bərpası da başa çatmışdır.
Bölmənin digər xəbərləri
