DEKABRDA VALYUTA HƏRRACLARININ HƏCMİ İKİ DƏFƏDƏN ÇOX ARTMIŞDIR
Birjanın informasiya-təhlil şöbəsindən AZƏRTAC-ın müxbirinə bildirmişlər ki, valyuta birja bazarının aparıcı bankları sırasına bağladıqları əqdlərin payına görə “Texnikabank” kommersiya bankı, “Bank of Baku” səhmdar-kommersiya bankı, “Kapital bank” səhmdar bankı, “Əmrahbank” açıq səhmdar cəmiyyəti və Azərbaycan Beynəlxalq Bankı daxil olmuşdur.
BBVB-nin valyuta bölməsinin hərraclarında cəmi 26 bank iştirak etmişdir. Hesabat ayında BETS-də 44 hərrac sessiyası keçirilmiş və 159 əqd qeydə alınmışdır. ABŞ dolları üzrə hərracların həcmi dekabrda 97,2646 milyon AZN (486 milyard 323 milyon AZM) və ya 105,919 milyon ABŞ dolları təşkil etmişdir. Avro üzrə əqdlərin həcmi 142,8 milyon manat olmuşdur. Noyabr ayı ilə müqayisədə valyuta bölməsində hərracların həcmi hesabat ayında 2,13 dəfə artmışdır.
Milli valyutanın birja məzənnəsi hesabat ayında 1 bənd – 1 USD üçün 4592 manatdan 4593 manata düşmüşdür. Nəticədə manatın ABŞ dollarına nisbətdə məzənnəsi noyabrda 1 USD üçün 0.9191 AZN (4595,45 AZM) olduğu halda, dekabrda 0.9183 AZN (4591.46 AZM) təşkil etmişdir.
Bölmənin digər xəbərləri
