Dilan Şmidt: Milli Gimnastika Arenasında gözəl şərait yaradılıb
Bakı, 15 fevral, AZƏRTAC
Bakıdakı Milli Gimnastika Arenasında gözəl şərait yaradılıb.
AZƏRTAC Azərbaycan Gimnastika Federasiyasının saytına istinadla xəbər verir ki, bunu yeni zelandiyalı gimnast Dilan Şmidt deyib.
Azərbaycanda ilk dəfə olduğunu bildirən gimnast qeyd edib: “Məşqlər uğurla davam edir. Özümü yaxşı hiss edirəm. Zədəli olduğum üçün bir ildən çox idi ki, yarışlarda iştirak etmirdim. İndi mən əvvəlkindən daha az hündürlüyə tullanıram. Amma ümid edirəm ki, uğur qazanacağam”.
Fevralın 16-17-də Bakıda batut gimnastikası və tamblinq üzrə ilin ilk dünya kuboku yarışı keçiriləcək. Turnirdə 31 ölkədən 200-dən artıq gimnast mübarizə aparacaq.
Bölmənin digər xəbərləri
