Dohadan Dublinə uçan təyyarə hava boşluğuna düşüb, 12 nəfər yaralanıb
London, 27 may, AZƏRTAC
Dohadan Dublinə uçan təyyarənin hava boşluğuna düşməsi nəticəsində 12 nəfər yaralanıb.
AZƏRTAC xəbər verir ki, “Qatar Airways”in Dohadan Dublinə uçan təyyarəsində 6 sərnişin və 6 ekipaj üzvü Türkiyə üzərində yaranan hava boşluğu nəticəsində xəsarət alıb.
Hava limanından verilən açıqlamada xəsarət alanlardan 8-nin xəstəxanaya aparıldığı bildirilib.
Qeyd edək ki, bir neçə həftə öncə də Londonun Hitrou hava limanından Sinqapura uçan təyyarənin güclü hava boşluğuna düşməsi nəticəsində bir nəfər ölmüş, 30-a yaxın insan yaralanmışdı.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
