Dövlət Komitəsinin nümayəndəsi: İşğaldan azad edilmiş ərazilərə bu il 3350 ailə köçürülüb
Xankəndi, 11 sentyabr, AZƏRTAC
İşğaldan azad edilmiş ərazilərdə aparılmış irimiqyaslı təmir, bərpa və quruculuq işləri sayəsində 47 yaşayış məntəqəsinə keçmiş məcburi köçkünlərin köçürülməsi təmin edilib.
AZƏRTAC-ın bölgə müxbiri xəbər verir ki, bunu Xankəndidə keçirilən "Regional məşğulluq ekosisteminin qurulması: işəgötürənlərlə birgə fəaliyyət mexanizmləri" mövzusunda dəyirmi masada Qaçqınların və Məcburi Köçkünlərin İşləri üzrə Dövlət Komitəsinin nümayəndəsi Elxan Paşayev deyib.
E.Paşayev bildirib ki, 2026-cı ildə 3350 ailə olmaqla, 13 min 778 nəfər işğaldan azad edilmiş ərazilərə köçürülüb. İlin sonuna kimi azad olunmuş ərazilərə əlavə 4 minə yaxın ailənin köçürülməsi planlaşdırılır.
Müxbir - Tahir Ağaməmmədov
Bölmənin digər xəbərləri
