Dövlət Miqrasiya Xidmətinin “Facebook”da rəsmi səhifəsi açılıb
Bakı, 15 may, AZƏRTAC
Mayın 15-dən “Facebook” sosial şəbəkəsində Dövlət Miqrasiya Xidmətinin (DMX) rəsmi səhifəsi fəaliyyətə başlayıb.
DMX-dən AZƏRTAC-a bildiriblər ki, məqsəd sosial şəbəkələrin imkanlarından istifadə etməklə Xidmətin fəaliyyəti barədə məlumatlandırma və maarifləndirmə işini təşkil etmək, hər kəsin miqrasiya orqanlarının fəaliyyəti ilə əlaqədar istədiyi məlumatın sərbəst, maneəsiz və hamı üçün bərabər şərtlərlə qanunla müəyyənləşdirilmiş qaydada əldə olunmasını təmin etmək, vətəndaşların, əcnəbilərin və vətəndaşlığı olmayan şəxslərin suallarını operativ, çevik cavablandırmaq və müraciətlərini qəbul etməkdir.
Səhifədə Xidmətin fəaliyyəti barədə operativ məlumatlar, yeniliklər, miqrasiya qanunvericiliyi, normativ hüquqi sənədlər, keçirilən görüşlər, tədbirlər, statistika, təşkil edilən səyyar xidmətlər, foto və video materialların yayımı diqqətdə saxlanılacaq.
Dövlət Miqrasiya Xidmətinin fəaliyyətini izləmək və təqdim olunan məlumatları operativ şəkildə əldə etmək istəyənlər yeni yaradılmış səhifəyə aşağıdakı keçid vasitəsilə qoşula bilərlər: https://www.facebook.com/miqrasiyaxidmeti/
Bölmənin digər xəbərləri
