Dövriyyədə olan ödəniş kartlarının sayı 12,7 milyon ədəd təşkil edib
Bakı, 31 oktyabr, AZƏRTAC
Bank sistemi üzrə sentyabr ayının sonunda dövriyyədə olan ödəniş kartlarının sayı avqust ayına nəzərən 163 min ədəd artaraq 12 milyon 772 min ədəd təşkil edib.
AZƏRTAC Mərkəzi Banka istinadla xəbər verir ki, keçən ilin müvafiq dövrü ilə müqayisədə bu göstərici 22,5 faiz artıb. Ödəniş kartlarında artım debet kartları üzrə 21,6 faiz, kredit kartları üzrə 28,5 faiz olub. Ötən ilin müvafiq dövrünə nəzərən əməkhaqqı kartlarının sayı 107 min, kredit kartları 371 min, digər kartlar isə 1,8 milyon ədəd artıb.
Bölmənin digər xəbərləri
