DSM FONDUNUN BÜDCƏ XƏRCLƏRİNİN 869,99 MILYON MANATI ƏHALİYƏ ÖDƏNİŞLƏR ÜÇÜN NƏZƏRDƏ TUTULMUŞDUR
Dövlət Sosial Müdafiə Fondunun sədri Səlim Müslümov AZƏRTAC-a bildirmişdir ki, Fondun 2007-ci il üçün gəlirləri ötən illə müqayisədə 330,7 milyon manat və ya 51,6 faiz artırılmışdır. Növbəti ildə fondun gəlirləri 920,19 milyon manat nəzədə tutulmuşdur. Fondun büdcə gəlirlərinin 82,88 faizi məcburi dövlət sosial sığorta haqları hesabına formalaşdırılacaqdır. Bu haqların 271,9 milyon manatı büdcə təşkilatlarının payına düşür. 2007-ci ildə məcburi dovlət sosial sığorta haqlarının proqnozu 670,68 milyon manat nəzərdə tutulmuşdur ki, bu da 2006-cı ilin təsdiq olunmuş proqnozuna nisbətən 248,7 milyon manat və ya 58,9 faiz çoxdur.
DSMF-nun xərcləri 920,19 milyon manat müəyyənləşdirilmişdir. Xərclərin 869,99 milyon manatı əhaliyə ödənişlər, 50,2 milyon manatı digər xərclər, 846,85 milyon manatı əmək pensiyalarının, 23,14 milyon manatı isə məcbiri dövlət sosial sığorta haqlarının hesabına müavinətlərin ödənilməsinə sərf olunacaqdır.
Bölmənin digər xəbərləri
