DUBAYDA HAVA LİMANININ BİR HİSSƏSİNİN UÇMASI NƏTİCƏSİNDƏ 8 NƏFƏR HƏLAK OLMUŞDUR
AZƏRTAC Röyter agentliyinə istinadla xəbər verir ki, Dubayda bərpa edilən beynəlxalq hava limanı binasının bir hissəsinin uçması nəticəsində azı 8 nəfər həlak olmuş, 60 nəfər müxtəlif xəsarətlərlə xəstəxanaya qoyulmuşdur. Dağıntılar altında nə qədər adamın qaldığı məlum deyildir. Rəsmi məlumata görə, binanın uçduğu vaxt orada 150-dən artıq adam olmuşdur. Hadisə yerində xilasedicilər işləyir.
Dubay hava limanı Yaxın Şərqin əsas tranzit qapısıdır. Onun bərpasına 4,1 milyard dollar vəsait ayrılmışdır. Təmir işləri başa çatdıqdan sonra sərnişin daşınması ildə 46 milyon nəfərədək artacaqdır.
Bölmənin digər xəbərləri
