DÜNYA İQTİSADİYYATINI DEMOQRAFİK BÖHRAN GÖZLƏYİR
İƏİT mütəxəssislərinin hesablamalarına görə, əhalinin qocalması nəticəsində yaxın 30 ildə dünya iqtisadiyyatının inkişaf sürəti ildə 1,7 faiz aşağı düşəcəkdir. Ən böyük zərər Avropa ölkələrində qeydə alınacaqdır.
Demoqrafik çətinliklərin çoxalması inflyasiyanın şiddətlənməsinə, dövlət xərcləri qıtlığının artmasına, yeni sosial problemlərin yaranmasına gətirib çıxaracaqdır. Hesablamalar göstərir ki, sənayecə inkişaf etmiş dövlətlərdə 2050-ci ilədək yeddi pensiyaçıya cəmi 10 nəfər fəal işçi düşəcəkdir. Halbuki, 2000-ci ildə bu göstərici 4-ün 10-na nisbətində idi. İƏİT hesab edir ki, “demoqrafik bomba zərərsizləşdirilməyincə”, dünya iqtisadiyyatını ağır böhranlar gözləyir.
Təşkilat pensiyaya çıxmaq yaşının artırılmasını, işləyən pensiyaçılara ciddi vergi güzəştləri verilməsini, habelə işsizliyə görə müavinət üçün dövlət xərclərinin azaldılmasını təklif edir.
Bölmənin digər xəbərləri
