DÜNYA POÇT GÜNÜ QEYD EDİLƏCƏKDİR
Oktyabrın 9-da poçt sahəsi işçilərinin peşə bayramı - Dünya Poçt günü qeyd olunacaqdır.
Rabitə və İnformasiya Texnologiyaları Nazirliyindən AZƏRTAC-a bildirmişlər ki, “Azərpoçt” Dövlət Müəssisəsi Dünya Poçt İttifaqının (DPİ) yaranmasının 134-cü ildönümü münasibətilə bütün müəssisələrdə toplantı keçirəcəkdir. Abşeron, Gəncə, Şamaxı və Yevlaxda poçt şöbələrinin yeni binaları istifadəyə veriləcəkdir.
Qeyd edək ki, DPİ-nin XIV konqresinin qərarı ilə Dünya Poçt günü 1974-cü il oktyabrın 9-da ittifaqın yaranması ilə əlaqədar qeyd olunur.
