Dünyada koronavirusa yoluxanların sayı 440 milyon nəfəri ötüb
Bakı, 5 mart, AZƏRTAC
Dünyada koronavirusa yoluxmaların təsdiqlənmiş sayı 440 milyonu, ölüm hallarının sayı isə 5,97 milyonu ötüb.
AZƏRTAC bu barədə Ümumdünya Səhiyyə Təşkilatına (ÜST) istinadla xəbər verir.
ÜST-nin statistikası yoluxanlar və ölənlər barədə dövlətlərin təqdim etdiyi yalnız rəsmi təsdiqlənmiş məlumatları nəzərə alır. Yoluxanların 400 milyon həddi fevralın 10-da, 350 milyon - yanvarın 25-də, 300 milyon - yanvarın 8-də, 250 milyon - ötən il noyabrın 9-da keçilib.
ÜST-yə daxil olan məlumatlarda ən çox təsdiqlənmiş hallar ABŞ-da (78.428.884) qeydə alınıb. Sonrakı yerdə Hindistan (42.951.556), Braziliya (28.842.160), Fransa (22.228.657) və Böyük Britaniya (19.074.700) gəlir. Ölüm halları da daha çox ABŞ-da müşahidə edilib - 947.625 nəfər, ikinci yerdə Braziliya (650.000), üçüncü yerdə - Hindistandır (514.589). Sonrakı yerləri Rusiya (354.787) və Meksika (318.835) tutur.
İndiyədək Azərbaycanda koronavirusa yoluxma ilə bağlı 788.525 fakt təsdiqlənib, 9.488 nəfər həmin xəstəlikdən vəfat edib.
Bölmənin digər xəbərləri
