Dünyada koronavirusdan ölənlərin sayı 311 mini ötüb
Bakı, 17 may, AZƏRTAC
Bakı vaxtı ilə saat 01:30-a olan məlumata görə, dünyada yeni növ koronavirusla (COVID-19) bağlı xəstəlik səbəbindən ölənlərin sayı 311 min 902 nəfərə çatıb.
AZƏRTAC pandemiyanın statistikasını aparan Worldometers saytına istinadla xəbər verir ki, bu günədək xəstəliyə 4 milyon 706 min 649 nəfər tutulub, 1 milyon 802 min 885 nəfər sağalıb.
Daha çox yoluxma və ölüm halı ABŞ-da qeydə alınıb - 1 milyon 503 min 328 nəfər yoluxub və 89 min 433 nəfər vəfat edib.
Yoluxma faktına görə sonrakı yerlərdə İspaniya (276 min 505), Rusiya (272 min 43), Böyük Britaniya (240 min 161), Braziliya (229 min 204), İtaliya (224 min 760), Fransa (179 min 506), Almaniya (175 min 962), Türkiyə (148 min 67) və İran (118 min 392) gəlir. ABŞ-dan sonra Böyük Britaniya (34 min 466), Fransa (27 min 625), İspaniya (27 min 563) və Braziliyada (15 min 368) çox sayda ölüm halları qeydə alınıb.
Bölmənin digər xəbərləri
