Ədəbiyyatşünas-alimin İbrahim Musabəyovun həyatından bəhs edən kitabı nəşr olunub
Bakı, 14 aprel, AZƏRTAC
Bu günlərdə filologiya üzrə fəlsəfə doktoru Solmaz Həyatovanın “İbrahim bəy Musabəyovun həyatı, mühiti və yaradıcılığı” kitabı çapdan çıxıb.
AZƏRTAC xəbər verir ki, AMEA Nizami Gəncəvi adına Ədəbiyyat İnstitutunun Elmi şurasının qərarı ilə nəşr olunan kitabın elmi redaktoru filologiya elmləri doktoru İslam Qəriblidir. Kitabda XX əsrin əvvəllərində yaşayıb-yaratmış İbrahim Musabəyovun repressiyaya məruz qalmış keşməkeşli həyatı, ədəbi-bədii irsi elmi şəkildə, monoqrafik planda araşdırılıb.
Yazıçının ilk nəsr əsərlərindən tutmuş digər bədii əsərləri, tərcümə və təbdilləri, “Məktəb” jurnalında çap olunmuş hekayələri, İbrahim Musabəyov arxivinin təsviri və onun ictimai-mədəni fəaliyyəti haqqında mətbuatda çap olunmuş materiallar da kitabda öz əksini tapıb.
Bölmənin digər xəbərləri
