Edinson Kavani növbəti mövsümdən “Benfika”nın şərəfini qoruyacaq
Bakı, 17 avqust, AZƏRTAC
Fransanın “Paris Sen-Jermen” klubunun sabiq futbolçusu Edinson Kavaninin yeni komandası müəyyənləşib.
AZƏRTAC xəbər verir ki, 33 yaşlı uruqvaylı hücumçu karyerasını Portuqaliyada davam etdirəcək. Uruqvay millisinin üzvü “Benfika” ilə anlaşıb. Lissabon təmsilçisi ilə üçillik müqaviləni razılaşdıran Kavaninin illik maaşı 8 milyon avro olacaq. Hücumçu qarşıdakı iki gün ərzində tibbi müayinədən keçərək müqaviləni rəsmiləşdirəcək.
Qeyd edək ki, Kavani 2013-cü ildən formasını geyindiyi “Paris Sen-Jermen” ilə müqavilə müddəti başa çatdığı üçün “Benfika”ya azad agent kimi keçib.
Bölmənin digər xəbərləri
