Əfqanıstanda səhv aviazərbə nəticəsində 17 polis işçisi həlak olub
Bakı, 17 may, AZƏRTAC
Əfqanıstanın Hilmənd əyalətində aviasiya zərbəsi zamanı yol verilən səhv nəticəsində azı 17 polis əməkdaşı həlak olub, 14 nəfər isə yaralanıb.
AZƏRTAC Associated Press agentliyinə istinadla xəbər verir ki, insident mayın 16-da Laşqargah əyalətinin administrativ mərkəzi yaxınlığında polislə “Taliban” hərəkatı arasında gedən döyüş zamanı qeydə alınıb.
Hələlik zərbənin Əfqanıstan və yaxud ABŞ aviasiyası tərəfindən vurulduğu məlum deyil. “Taliban” hərəkatı isə aviasiya zərbəsinin ABŞ təyyarəsi tərəfindən endirildiyini iddia edir.
Bölmənin digər xəbərləri
