ƏHALİNİN İŞLƏ TƏMİNATI DİQQƏT MƏRKƏZİNDƏDİR
Bərdə rayon Məşğulluq Mərkəzi əhalinin işlə təmin olunması üçün mövcud imkanlardan səmərəli istifadə etməyə çalışır. Mərkəzdən AZƏRTAC-ın müxbirinə bildirmişlər ki, ilin əvvəlindən bəri mərkəzə müraciət edən 109 nəfərdən 71 nəfəri münasib işlə təmin olunmuşdur. 34 nəfər peşə təliminə cəlb olunmuş, 45 nəfərə işsizlik statusu verilmişdir. Mərkəzə müraciət edən 81 nəfərə müavinət təyin edilmişdir. Məşğulluq mərkəzi idarə və müəssisələrlə əlaqə yaradır, vətəndaşların peşələrinə uyğun işlə təmin olunması üçün tədbirlər görür.
