“Ekol Mühəndislik Xidmətləri” QSC-nin istehsalat sahələrində iməcilik keçirilmişdir
Bakı, 5 aprel (AZƏRTAC). Aprelin 5-də Azərbaycan Respublikası Dövlət Neft Şirkətinin (ARDNŞ) “Ekol Mühəndislik Xidmətləri” Qapalı Səhmdar Cəmiyyətinin (QSC) istehsalat sahələrində iməcilik keçirilmişdir.
QSC-dən AZƏRTAC-a bildirmişlər ki, iməcilikdə kollektivin çoxsaylı nümayəndələri iştirak etmişlər. Tədbirlər QSC-nin O.Vəliyev 1 ünvanında və “Azərneftyağ” neft emalı zavodunun ərazisində yerləşən istehsalat sahələrini, eləcə də “Abşeronneft”, “BibiHeybətneft” və Z.Tağıyev adına neft və qaz çıxarma idarələrinin mədən ərazilərindəki, həmçinin qaz emalı zavodunun ərazisindəki yaşıllıq sahələrini əhatə etmişdir.
İməcilik zamanı istehsalat sahələri alaq otlarından, eləcə də digər tullantılardan təmizlənmiş və abadlıq işləri yerinə yetirilmişdir. Bununla yanaşı, qaz emalı zavodunun ərazisindəki yaşıllıq sahəsində 400 ədəd müxtəlif növ ağaclar əkilmişdir.
Bölmənin digər xəbərləri
