EKOLOGİYA VƏ TƏBİİ SƏRVƏTLƏR NAZİRLİYİ MEŞƏLƏRİN QANUNSUZ QIRILMASINA QARŞI MÜBARİZƏ APARIR
Nazir Hüseynqulu Bağırov vurğulamışdır ki, ölkənin meşə fondunun mühafizəsi həm ekoloqların, həm də ictimaiyyətin diqqət mərkəzində olmalıdır. Nazirliyin meşələrin sanitariya məqsədi ilə budanmasına qadağa qoymasına baxmayaraq, bir sıra bölgələrdə belə faktlar qeydə alınmışdır. Bu ilin 8 ayı ərzində meşələrin qanunsuz qırılması faktları ötən ilin eyni dövrü ilə müqayisədə 21,5 faiz azalaraq, 6142 kubmetr olmuşdur. Qəbələ rayonunun meşələrin mühafizəsi və bərpası müəssisəsində, Tuqay regional meşə tingliyində toxum hazırlanması sahəsində, Ağstafa, Bərdə, Daşkəsən, Xırdalan, Yevlax, Beyləqan rayonlarında meşələrin bərpası proseslərində proqnoz göstəriciləri üzrə müəyyən geriləmələr müşahidə edilmişdir.
Bir çox rayonların meşələrin mühafizəsi və bərpası müəssisələrinin rəhbərləri işdə buraxdıqları nöqsanlara görə vəzifələrindən azad olunmuşlar.
Kollegiyada təbiəti mühafizə qanunlarını pozanlar üçün nəzərdə tutulan cərimələrin məbləği açıqlanmışdır. Qeyd edilmişdir ki, bu ilin 8 ayı ərzində təbiəti mühafizə sahəsində müxtəlif pozuntulara görə tutulmuş və ətraf mühitin mühafizəsi fonduna köçürülmüş cərimələrin həcmi 14 dəfə artmışdır.
Bölmənin digər xəbərləri
