Ekvadorda yol-nəqliyyat qəzası nəticəsində 9 nəfər ölüb
Bakı, 13 may, AZƏRTAC
Ekvadorun Karçi əyalətinin şimal hissəsində baş vermiş yol-nəqliyyat qəzası nəticəsində 9 nəfər ölüb, 36 insan yaralanıb.
AZƏRTAC Kolumbiyanın El Heraldo qəzetinin internet saytına istinadla xəbər verir ki, insident Ekvadorun bu ölkə ilə sərhədində baş verib. Tulkan-Banyos marşrutu ilə hərəkət edən sərnişin avtobusu yoldan çıxaraq aşıb. Yerli polisin məlumatına görə, ölən və yaralananların əksəriyyəti Ekvador vətəndaşlarıdır. Eyni zamanda, zərərçəkənlərdən bir neçəsinin Venesuela və Kolumbiya vətəndaşı olduğu bildirilir.
Qəzetin yaydığı xəbərdə yaralılardan 4 nəfərinin vəziyyətinin ağır olduğu bildirilir. Avtobus sürücüsü isə hadisə yerindən qaçıb.
Bölmənin digər xəbərləri
