Elçin Nurəliyev: Hersoq Albani obrazı xarakter baxımından fərqli çalarlar tələb edir
Bakı, 13 may, AZƏRTAC
“Kral Lir” tamaşasında hersoq Albani obrazını canlandırıram. Bu obraz yaş etibarilə məndən daha böyükdür və xarakter baxımından da fərqli çalarlar tələb edir. Adətən daha şux, enerjili və gümrah obrazlara həyat verməyə öyrəşdiyim üçün bu rola uyğunlaşmaq müəyyən zaman aldı. Azərbaycan Dövlət Akademik Milli Dram Teatrın səhnəsində Şota Rustavelli adına Gürcüstan Milli Teatrının baş rejissoru David Sakvarelidzenin quruluş verdiyi tamaşada yer almaq, həmçinin peşəkar aktyorlarla səhnəni bölüşməkdən məmnunluq duyuram.
Bunu AZƏRTAC-a açıqlamasında Akademik Milli Dram Teatrının gənc aktyoru Elçin Nurəliyev söyləyib.
O, obrazın daxili dünyasını, davranış tərzini və səhnə plastikasını mənimsəmək üçün məşq prosesində xüsusi diqqətlə çalışdığını deyib: “Təxminən iki aya yaxın müddətdə böyük səylə məşqlər etdik və bu zaman ərzində obraz mənim üçün daha doğma, daha anlaşılan oldu. Bu rol həm aktyor kimi mənə yeni təcrübə qazandırdı, həm də yaradıcılıq baxımından fərqli bir tərəfimi üzə çıxardı”.
Müxbir – Fidan Əlizadə
Bölmənin digər xəbərləri
