ƏLİ ƏLİYEVİN 100 İLLİK YUBİLEYİ QEYD EDİLMİŞDİR

26.09.2004 [23:56]
Çap et
A⁺ A^-

Naxçıvan Dövlət Universitetində bu ali təhsil ocağının ilk rektoru, tarix elmləri namizədi Əli Əliyevin anadan olmasının 100 illiyi münasibətilə mərasim keçirilmişdir.

AZƏRTAC-ın müxbiri xəbər verir ki, Naxçıvan Dövlət Universitetinin rektoru, akademik İsa Həbibbəyli, AMEA Tarix İnstitutunun direktoru professor Yaqub Mahmudov, AMEA Naxçıvan Bölməsinin sədri, akademik İsmayıl Hacıyev və başqaları mərasimdə çıxış edərək tarixçi alim Əli Əliyevin həyatından, elmi-pedaqoji və ictimai fəaliyyətindən danışmış, onunla bağlı xatirələrini söyləmişlər.

Yubilyarın oğlu, filologiya elmləri namizədi, dosent Arif Əliyev atasının xatirəsinə göstərilən ehtirama görə minnətdarlığını bildirmişdir.