Emal sənayesində 11,6 milyard milyon manatlıq məhsul istehsal olunub
Bakı, 30 oktyabr, AZƏRTAC
Emal sənayesində yanvar-sentyabr aylarında 11 milyard 630,6 milyon manatlıq məhsul istehsal olunub və sənaye xarakterli xidmətlər göstərilib.
Dövlət Statistika Komitəsindən AZƏRTAC-a bildirilib ki, əvvəlki ilin müvafiq dövrü ilə müqayisədə tütün məmulatlarının istehsalında 56,9 faiz, qida məhsullarının istehsalında 9,3 faiz, içki istehsalında isə 3,4 faiz artım müşahidə olunub. Bu sahələrin əsas məhsullarından qənd və şəkər tozunun istehsalı 53,5 faiz, kərə yağının istehsalı 5,2 faiz, kolbasa məmulatlarının istehsalı 1,8 faiz artıb, duru bitki yağlarının istehsalı 1,5 faiz, marqarin istehsalı isə 5 faiz azalıb.
Bölmənin digər xəbərləri
