“Ən güclü boksçuların seçmə yarışı” turnirinə yekun vurulmuşdur
Bakı, 10 may (AZƏRTAC). Mayın 10-da Bakı İdman Sarayında keçirilən “Ən güclü boksçuların seçmə yarışı” turnirinə yekun vurulmuşdur.
AZƏRTAC xəbər verir ki, turnirin sonuncu günündə 10 çəki dərəcəsində final qarşılaşmaları keçirilmişdir.
Yarışda Salman Əlizadə (49 kq), Elvin Məmişzadə (52 kq), Rəhim Nəcəfov (56 kq), Elvin İsayev (60 kq), Heybətulla Hacəliyev (64 kq), Sadiq Eynullayev (69 kq), Rahib Bəylərov (75 kq), Vətən Hüseynli (81 kq), Teymur Məmmədov (91 kq) və Fərid Paşayev (91 kiloqramdan yuxarı) fəxri kürsünün ən yüksək pilləsinə qalxmışlar.
Qaliblər və finalçılar milli komandanın heyətinə cəlb olunacaqlar.
Bölmənin digər xəbərləri
