Ermənilərin Xocalıda törətdiyi vəhşiliyi bütün dünyaya çatdırmaq üçün daim səfərbər olmalıyıq
Ağstafa, 25 fevral (AZƏRTAC). Ağstafa Rayon Gənclər və İdman İdarəsinin təşkilatçılığı ilə Gənclər Mərkəzində Xocalı soyqırımının 22-ci ildönümünə həsr olunmuş tədbir keçirilmişdir.
AZƏRTAC xəbər verir ki, rayon gəncləri Xocalı soyqırımı qurbanlarının xatirəsini bir dəqiqəlik sükutla yad etmişlər. Daha sonra
tədbir iştirakçıları Xocalı qətliamından bəhs edən filmə baxmışlar.
Mərasimdə çıxış edən gənclər qeyd etmişlər ki, 1992-ci il fevralın 26-da Xocalı şəhərində erməni ordusunun xalqımıza qarşı xüsusi amansızlıqla və düşünülmüş şəkildə törətdiyi bu vəhşiliyi bütün dünyaya çatdırmaq üçün daim səfərbər olmalıyıq. Gənclər düşmən tapdağı altında olan torpaqlarımızı azad etmək üçün Ali Baş Komandan, Prezident İlham Əliyevin əmri ilə döyüşə atılmağa hazır olduqlarını bildirmişlər.
Rayon Gənclər Mərkəzində uşaq və yeniyetmələrin Xocalı faciəsini özündə əks etdirən rəsm işlərindən ibarət sərgi də nümayiş olunmuşdur.
Bölmənin digər xəbərləri
