ERMƏNİSTAN SİLAHLI QÜVVƏLƏRİ ATƏŞKƏS REJİMİNİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri iyunun 4-də saat 19.35-dən 20.00-dək Ermənistanın Berd rayonunun Mosesqex kəndinin ərazisindəki mövqelərindən Milli Ordumuzun Tovuz rayonunun ərazisindəki adsız yüksəkliklərdə yerləşən mövqelərini, saat 15.00-dan 15.15-dək Goranboy rayonunun Tapqaraqoyunlu kəndinin yaxınlığında, saat 14.30-dan 22.45-dək Xocavənd rayonunun Kuropatkino kəndində, saat 22.05-dən iyunun 5-i saat 6.25-dək Füzuli rayonunun ərazisindəki adsız yüksəkliklərdə, Qorqan və Qaraxanbəyli kəndləri yaxınlığında, saat 20.15-dən 20.50-dək Tərtər rayonunun Qızıloba kəndinin yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
