ERMƏNİSTAN XOCALIDA TÖRƏTDİYİ GENOSİDİ HEÇ VAXT DANA BİLMƏZ
Dünya Azərbaycanlılarının II qurultayının iştirakçısı olan Türkiyə Böyük Millət Məclisinin keçmiş deputatı Şamil Ayrım AZƏRTAC-ın müxbirinə müsahibəsində bildirmişdir ki, Azərbaycan və Türkiyə diasporlarının əlaqəli fəaliyyəti ilə bağlı qurultayın qəbul etdiyi qərarlar tarixi əhəmiyyət daşıyır. Xalqlarımızın sülhsevər və qonaqpərvər olduğunu xatırladan Ş.Ayrım demişdir ki, təcavüskar Ermənistan qondarma “erməni soyqırımı” ilə bağlı yeritdiyi siyasətdən əl çəkməlidir. İşğalçı dövləti buna məcbur etmək üçün türk dövlətləri arasında mövcud əlaqələrin daha da genişləndirilməsinə ciddi ehtiyac duyulur. Ermənistan işğalçıdır və Azərbaycan xalqına qarşı soyqırımı həyata keçirmişdir. Xocalıda bir gecədə 613 dinc sakini vəhşicəsinə qətlə yetirən ermənilər bütöv bir xalqa qarşı genosid törətmişlər və bu tarixi cinayəti heç vaxt dana bilməzlər.
Bölmənin digər xəbərləri
