Ernesto Valverde “Barselona”nı daha bir il çalışdıracaq
Bakı, 15 fevral, AZƏRTAC
İspaniyanın “Barselona” klubu məşqçi Ernesto Valverde ilə yeni müqavilə imzalayıb.
AZƏRTAC klubun rəsmi saytına istinadla xəbər verir ki, 55 yaşlı mütəxəssis ilə 2019-2020-ci il mövsümünün sonunadək razılıq əldə olunub.
Qeyd edək ki, Ernesto Valverde “Barselona” klubunu 2017-ci ildən çalışdırır. Onun rəhbərliyi altında Katalonya təmsilçisi İspaniya La Liqasını, İspaniya Kral kubokunu və İspaniya Super kubokunu qazanıb.
Cari mövsümdə “Barselona” İspaniya La Liqasında 23 turdan sonra 51 xalla turnir cədvəlinə başcılıq edir.
Bölmənin digər xəbərləri
