ƏRZAQ MƏHSULLARININ QİYMƏTİ AZALMIŞDIR
Azərbaycan Respublikasının Milli Bankından AZƏRTAC-ın müxbirinə bildirmişlər ki, avqust ayında iyula nisbətən ucuzlaşma əsasən ərzaq məhsulları üzrə müşahidə edilmişdir. Belə ki, avqustda ərzaq məhsullarının qiymətləri iyul ayına nisbətən 0,4 faiz aşağı düşmüşdür. Bu dövrdə qeyri-ərzaq məhsulları və xidmətlər üzrə qiymətlər isə dəyişməz qalmışdır.
Ərzaq məhsullarının qiymətləri cari ilin əvvəlinə nisbətən 1,5 faiz, ötən ilin müvafiq ayına nisbətən isə 8,2 faiz yüksək olmuşdur. İlin əvvəli ilə müqayisədə qiymətlər qeyri-ərzaq malları üzrə 0,2 faiz, xidmətlər üzrə isə 0,1 faiz aşağı olmuşdur.
Bölmənin digər xəbərləri
