Eşitmə qüsurlu əlillər arasında təşkil olunmuş futzal üzrə “Payız turniri” başa çatmışdır
Bakı, 30 oktyabr (AZƏRTAC). Eşitmə qüsurlu əlillər arasında təşkil olunmuş futzal üzrə “Payız turniri” başa çatmışdır.
AZƏRTAC xəbər verir ki, oktyabrın 30-da Azərbaycan Texniki Universitetinin idman kompleksində turnirin son iki oyunu keçirilmişdir. “Birlik” 7:3 hesabı ilə “Zirvə” komandasını, “Şimşək” isə 8:5 hesabı ilə “Ümid” kollektivini məğlub etmişdir.
Turnirin qalibi adını “Birlik” komandası qazanmışdır. İkinci yeri “Zirvə”, üçün yeri isə “Şimşək” tutmuşlar.
Elcan Əsədov (“Ümid”) turnirin ən yaxşı oyunçusu, Mürşüd Hüseynov (“Birlik”) turnirin ən yaxşı qapıçısı seçilmişdir. Ən məhsuldar futbolçu isə “Birlik”in heyətində 20 qol vurmuş İslam Əliyev olmuşdur.
Bölmənin digər xəbərləri
