“Falcon Finance” MMC-nin istiqrazlarının yerləşdirilməsi üzrə hərrac keçirilib
Bakı, 13 aprel, AZƏRTAC
Aprelin 13-də Bakı Fond Birjasında (BFB) BOKT “Falcon Finance” MMC-nin tədavül müddəti 1 təqvim ili, nominal dəyəri 1000 manat olan 700 min manat həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.
BFB-dən AZƏRTAC-a bildirilib ki, hərrac zamanı 9 investor tərəfindən qiyməti 1000 manat olan doqquz sifariş təqdim edilib. İstiqrazın illik faiz dərəcəsi 14 faiz, faiz ödəniş dövrü isə hər 30 təqvim günündən bir təşkil edir. Sifarişlərin nominal qiymətlə ümumi məbləği və istiqrazların nominal qiymətlə yerləşdirilmiş həcmi isə 700 min manat təşkil edib. Yerləşdirmə üzrə anderrayter “PSG-Kapital İnvestisiya Şirkəti” ASC-dir.
Bölmənin digər xəbərləri
